Thursday, December 17, 2009

रिती पोकळी

रिती पोकळी तशी दशा या आयुष्याची
उद्या वेगळी पुन्हा दिशा या आयुष्याची

इथे संपली पहाट, तेथे दुपार झाली
कुठे सांज अन कुठे निशा या आयुष्याची?

जरा लाभले म्हणे म्हणेतो दुरावलेही,
हमी द्यायची कुणी अशा या आयुष्याची?

प्रवाहातल्या दिव्यासारखे वहात जाते,
हवा नेतसे तशी दिशा या आयुष्याची

कुठे कालच्या  उन्मादाचा कैफ उडाला?
कशी आज ना चढे नशा या आयुष्याची?

1 comment:

  1. कुठे कालच्या उन्मादाचा कैफ उडाला?
    कशी आज ना चढे नशा या आयुष्याची?

    khupach chan!!!

    ReplyDelete