एक गुन्हा नक्कीच करावा जाता जाता
हात तुझा हातात धरावा जाता जाता
ही फसवी चाहूल सुखाची ठायीठायी,
भास खुळा हा सत्य ठरावा जाता जाता
सुन्न, रिकामा पोकळ वेळू आयुष्याचा
आज तरी तू सूर भरावा जाता जाता
जन्म सरे ज्याच्या फुलण्याच्या ध्यासापायी
तो हिरवा चाफा बहरावा जाता जाता
शेवटचा लावून दिवा गंगेच्या काठी
त्याच प्रवाही प्राण झरावा जाता जाता
मी सरणाच्या आधिन होता माझ्यामागे
एक उसासा फक्त उरावा जाता जाता
हात तुझा हातात धरावा जाता जाता
ही फसवी चाहूल सुखाची ठायीठायी,
भास खुळा हा सत्य ठरावा जाता जाता
सुन्न, रिकामा पोकळ वेळू आयुष्याचा
आज तरी तू सूर भरावा जाता जाता
जन्म सरे ज्याच्या फुलण्याच्या ध्यासापायी
तो हिरवा चाफा बहरावा जाता जाता
शेवटचा लावून दिवा गंगेच्या काठी
त्याच प्रवाही प्राण झरावा जाता जाता
मी सरणाच्या आधिन होता माझ्यामागे
एक उसासा फक्त उरावा जाता जाता