हवेसे वाटणारे बंध फासासारखे झाले
दिल्याने घेतल्याने शब्द बाणासारखे झाले
तुला बोलायचे होते, मला ऐकायचे होते
कसा संवाद, जेव्हा मौन वादासारखे झाले ?
दिली माझी फुले अन् घेतले काटे तुझे थोडे
मिळो काही, जमा अन् खर्च आता सारखे झाले
कुठे मुक्काम त्याचा आणि तो जाई कुण्या गावा,
पुरे आयुष्य त्या वेड्या प्रवाशासारखे झाले
गुन्हा काहीतरी मोठाच मी केला, कळे तेव्हा
सग्यांचे वागणे जेव्हा लवादासारखे झाले
उन्हाळा पावसाचा अन् हिवाळा ताप देणारा
ऋतू हल्ली तुझ्या-माझ्या स्वभावासारखे झाले !
दिल्याने घेतल्याने शब्द बाणासारखे झाले
तुला बोलायचे होते, मला ऐकायचे होते
कसा संवाद, जेव्हा मौन वादासारखे झाले ?
दिली माझी फुले अन् घेतले काटे तुझे थोडे
मिळो काही, जमा अन् खर्च आता सारखे झाले
कुठे मुक्काम त्याचा आणि तो जाई कुण्या गावा,
पुरे आयुष्य त्या वेड्या प्रवाशासारखे झाले
गुन्हा काहीतरी मोठाच मी केला, कळे तेव्हा
सग्यांचे वागणे जेव्हा लवादासारखे झाले
उन्हाळा पावसाचा अन् हिवाळा ताप देणारा
ऋतू हल्ली तुझ्या-माझ्या स्वभावासारखे झाले !
नेहमीप्रमाणेच सुंदर :-)
ReplyDelete