अज्ञ प्रवासी
वळण येइतो सोबत होतो
मिळून गेलो मुक्कामाला
कधी सराई
कधी मोकळे मेघ सावळे
घेत राहिलो आडोशाला
वेळोवेळी
सुरेल संगत टिपून रंगत
दिवस सुखाने सरले होते
अन् क्षितिजाशी
गेल्यानंतर चिमणेसे घर
बांधावे हे ठरले होते
वळणावरती
तुला गवसली, मला न दिसली
नव्या दिशेची प्रसन्न गावे
हेच बरे की
तू बहराच्या, मी शिशिराच्या
ठरलेल्या वाटेने जावे
वळण येइतो सोबत होतो
मिळून गेलो मुक्कामाला
कधी सराई
कधी मोकळे मेघ सावळे
घेत राहिलो आडोशाला
वेळोवेळी
सुरेल संगत टिपून रंगत
दिवस सुखाने सरले होते
अन् क्षितिजाशी
गेल्यानंतर चिमणेसे घर
बांधावे हे ठरले होते
वळणावरती
तुला गवसली, मला न दिसली
नव्या दिशेची प्रसन्न गावे
हेच बरे की
तू बहराच्या, मी शिशिराच्या
ठरलेल्या वाटेने जावे
Kavitecha vishay aani maandani khupach chaan.
ReplyDelete