Wednesday, December 23, 2009

ओल्या हळदीची सांज




माझ्या सुरांत गुंफून तुझी लडिवाळ  गीते
ओल्या हळदीची सांज रोज अंगणात येते ||

क्षण मोहरून जाती तुला साद मी देताना
मन रेंगाळते मागे तुझ्या वाटेने जाताना
हात धरून मला ती तुझ्या घराकडे नेते ||

आसमंत गंधाळतो जाईजुईच्या फुलांनी
उंबरठा ओलांडते  कुंकवाच्या पावलांनी
तुळशीच्या वृंदावनी नंदादीप उजळते ||

वा-यावर घुमतात मंद सुरांच्या लकेरी
हलकेच डोकावतो चंद्र कोवळा  रुपेरी
मावळतीच्या हातात हात चांदण्याचा देते ||

5 comments:

  1. क्रान्ति अग तुला मी टॆगलेय....पाहशील...:)

    ReplyDelete
  2. atishay sundar!
    मावळतीच्या हातात हात चांदण्याचा देते ||
    hi kalpnaa khoop aavadali.

    ReplyDelete
  3. ओल्या हळदीची सांज रोज अंगणात येते... khup sahaj aaNi suMdar!, maajhy "विश्व संमोही" kavitela tumachee daad miLalee tyaabaddal anek aabhaar...

    ReplyDelete
  4. Waa farach chaan.
    Kunya sangitkaaraalaa bhetoon chaal laavun ghyaa
    hyaa kavyaalaa
    http://anubandhit.blogspot.com/

    ReplyDelete
  5. ओल्या हळदीची सांज रोज अंगणात येते

    faarach chhaan

    ReplyDelete